FOOD COOP dokumentalaren aurkezpena datorren Ekainaren 20an Aldabe Gizarte Etxean

Azken urteotan, gure eguneroko erosketa multinazional gutxi batzuen eskuetan dago. Enpresa hauek beraien etekinak handitzeko ondasun naturalak esplotatzen dituzte, produkzioa mila kilometrotara deslokalizatzen dute eta milaka pertsona esplotatzen dituzte lan-baldintzak bidegabeko eta ez duin lan-baldintzak erabiliz.

Honen kontra, gero eta gehiago gara bestelako “supermerkatuak” bultzatzen ditugunok, autogestioan eta lankidetzan oinarritutakoak. Proiektu hauek ekoizpen ekologikoa eta jasangarrian oinarritzen dira, produkzioaren birkokatzean eta zirkuito laburretan eta, lan-baldintzak duinak eta bidezkoak ziurtatzen dituzten ekoizpen-proiektuak babestean.

Elikadura burujabetza eta bestelako ekonomia alternatiboen alde lan egiten dugun hainbat eragilek FOOD COOP dokumentalaren aurkezpenera gonbidatzen zaituztegu. Dokumentalak munduko elkarlaneko supermerkatuen artean 2 esperientzia gerturatzen dizkigu. Eta solasaldian, Euskal Herrian martxan dauden antzeko hainbat proiektu aurkeztuko ditugu, bereziki Labore Bilbo.

Noiz: Ekainaren 20an, 18.30etan

Non: Aldabe Gizarte Etxean

Izena ematea ezinbestekoa da: zentzuzkontsumitu.gmail.com

Guk daukagu aldaketarako giltza eta orain da garaia! Zatoz!

Posted in Berriak | Tagged , , | Comments closed

“Bidezko merkataritza etikoa sustatzen duten Europako hiriak” sarirako finalista aukeratua izan da Gasteiz

Europar Batasunak sari hori emango duen lehenengo aldia da, eta Dormund, Ghent, Lyon, Madril, Malmö, Saarbrücken eta Gasteiz dira hautagaiak

Bidezko merkataritza etikoa sustatzen duten Europako hirien sarirako zazpi finalisten artean dago Gasteiz. Europar Batasunak sari hori emango duen lehenengo aldia da, hirien lorpenak eta horiek nazioarteko merkataritzaren iraunkortasunean, ingurumenean, ekonomian eta oro har arlo sozialean duten eragin positiboa aitortu eta ospatzeko asmoarekin.

Gainera, ekoizle txikien garapen iraunkorra eta inklusiboa sustatu nahi du sariak, herritarrak, ordezkari politikoak eta enpresariak merkataritza-programa iraunkor, etiko eta bidezkoen gainean kontzientziatuz. Orobat bultzatu nahi ditu hiriak elkarrengandik ikastera, eta jardunbiderik onenak partekatzera, merkataritza-jarduera bidezko eta etikoak nabarmenduz.

Gasteizek konpromisoa hartua du, plan operatiboaren bitartez, bidezko merkataritza sustatzeko hiriko gobernuz kanpoko hainbat erakunderekin batera, baina, gainera, agintaldi honetan Erosketa eta Kontratazio Gizartearekiko Arduratsua eta Iraunkorra Egiteko Plana bultzatu da, zeinen barruan aurreikusita baitago horrelako produktu gehiago sartzea Udalaren zerbitzu eta hornikuntzetan, hala nola gizarte-etxeetako eta udal-instalazioetako kafetegietan, eta Udalaren ekitaldietan nahiz biltzar- edo turismo-ekitaldietan eskaintzen diren elikadura eta catering zerbitzuetan.

Akreditutako hornitzaileen zerrenda eguneratu eta ezagutaraztea da Udalaren beste ekintzetako bat, eta bidezko merkataritzako produktuen katalogoa eguneratzea, alorreko erakunde ezagunen laguntzarekin. Gainera, bidezko merkataritzaren arloko ekintzak bultzatzen ditu Gasteizko Udalak garapen-bidean dagoen herrialdeetarako proiektuetarako diru-laguntza deialdiaren bitartez, bidezko merkataritzaren printzipioetan oinarritutako sistemak bermatzeko.

 

Posted in Sin categoría | Tagged | Comments closed

Los Herrán Institutua ‘Dame Veneno’ Kanpaina ezagutu zuen

Los Herrán Institutuko 3. DBH-ko ikasleek VSF-k zuzendutako ‘Dame Veneno’ kanpaina ezagutu zuten otsailean, gaixotzen gaituen elikaduraren aurka dagoena. Eskola-orduetan Zentzuz Kontsumituren helburuak, elikadura osasuntsu baten baldintzak eta Bidezko Merkataritzaren ezaugarri nagusiak ezagutu ondoren, ikasle talde bat Hauspoa programan ikasketa zerbitzuaren bitartez gaiarekin jarraitzera animatu zen.

5 saioetan aurkeztu eta garatu zuten bere sentsibilizazio kanpaina, geroago 1. mailako ikasleekin batera aurrera eramateko. Azken saio berezi batean, ginkana bat burutu zuten eta bertan, ondo pasatzeaz gain, kideei aurreko saioetan ikasitakoa erakutsi zieten.

Los Herrán-eko talde honen emaitzaren eta egindako lanaren irudi batzuk dauzkazue hemen! Mila esker parte hartzeagatik!

Los Herrán 02/2018

Posted in Berriak | Comments closed

Twitter

Aurki gaitzazu ere bai

  • Baliabideak

  • Txanotxoren Saskia

    • .
  • Hemengo aliatuak

  • Hango aliatuak

  • Kultura elkartrukatzen dugu

    creative commons

    Web optimizada para:

    Firefox:

    Logo de firefox

    Google Chrome:

    Google Chrome Logo