HITZALDIA: Oikocredit – Ezagutzen al dituzu finantza etikoak?

 Zentzuz Kontsumituk:

EZAGUTZEN AL DITUZU FINANTZA ETIKOAK? hitzaldira gonbidatzen zaitu.

NOIZ: MAIATZAREN 5EAN, OSTEGUNA

ORDUA: 17.00

NON:  SIMONE DE BEAUVOIR Elkarteen Etxea, San Ignacio de Loyola, 8.

Oikocredit Euskadi , garapen bidean dauden herrialdeetan, ekonomia aukera urriak dituen jendearen bizitza hobetzea helburu duen elkartea da, eta horretarako, mikrokredituak baliatzen ditu.

Elkarteak finantza etikoak bultzatzen ditu Euskadin, sozialki arduratsua den inbertsioa ezagutzera ematen duelarik: horrela, diru aukera gutxiago duten pertsonei laguntzeko proiektuetan inbertitzeko bidea ematen du, nork bere negozio txikia abian jartzeko aukera izan dezan. Gehien bat, nekazaritzaren eta abeltzaintzaren arloko proiektuak izaten dira, gainera, asko ustiategi ekologikoak dira eta ekoizpena Bidezko Merkataritzaren sareen bidez saltzen dute.

Elkartea duela 40 urte baino gehiago hasi zen lanean, eta 1988az geroztik, urteko % 2ko dibidenduak banatu ditu. Hala ere, garrantzitsuena inbertsioari esker gizartean lortzen den eragina da.