Kontsumo eraldatzailea
Tokiko merkataritza
Zentzuz-en, kontsumo kontziente eta arduratsuarekin eta Bidezko Merkataritzarekin konprometitutako tokiko merkataritza txikia ikusarazi eta lagundu nahi dugu. Horretarako, hainbat jarduera egiten ditugu: denda horietako batzuetatik ibilbide gidatuak, produktuen dastatzeak, publizitate-kanpainak edo lehiaketak.
Ekonomia eraldatzaileak
Munduan erakunde eta mugimendu asko ari dira gizarte-eraldaketaren alde lan egiten, beste ekonomia-eredu batzuetatik: soziala eta solidarioa, feminista, zirkularra, kooperatiba, ekologikoa, etab. Zentzuzek topaguneetan eta sareetan parte hartzen du, hala nola FSMETen, REASen, Bidezko Merkataritzaren Estatuko Koordinakundean edo Arabako campuseko Azoka Agroekologikoan, besteak beste.
Elikadura burujabetza
Zentzuzek elikadura-subiranotasunean oinarritutako elikagaien ekoizpen-eredu baten alde egiten du. Eredu horrek herriek elikagai elikagarriak, eskuragarriak eta bere ingurune hurbilean modu jasangarrian ekoiztu eta kontsumitzeko duten eskubidea defendatzen du, tokiko nekazaritza eta abeltzaintza indartuko dituena, ingurumen-inpaktua murriztuko duena eta kalitatezko produktuak bermatuko dituena.
