Hauek dira maiatzaren 10ean Bidezko Merkataritzako Kafearen Egunean parte hartuko duten tabernak

Maiatzaren 10ean, ostirala, Bidezko Merkataritzako Kafearen bigarren Eguna ospatuko da Gasteizen, eta 45 ostalaritza-establezimendu inguru izango dira, egun batez, bidezko merkataritzaren eta kontsumo arduratsuaren sentsibilizazio-eragile. Taberna eta kafetegi horietan, herritarrek kalitate handieneko kafe bat probatu ahal izango dute, eta giza eskubideak eta ingurumena babesten dituen merkataritza-eredu horri buruz gehiago jakin ahal izango dute. Parte hartzaileen artean, hiriko Gizarte Etxeetako eta Bizan sareko kafetegi guztiak daude.

Bidezko Merkataritzako Kafearen Eguna Zentzuz Sareak antolatzen du, Oxfam Intermon, Serso San Viator eta Manos Unidas-en laguntzarekin eta Gasteizko Udalaren babesarekin (informazio gehiago). Establezimendu bakoitzak kilo bat kafe jasoko du gutxienez, Arabica motakoa eta alean, Nikaraguako nekazari-kooperatibetatik datorrena eta modu tradizionalean eta errespetuzkoak eta jasangarriak diren baldintzetan lantzen dutena. Tabernek, gainera, kartelak eta bestelako materialak jasoko dituzte, bezeroei jakinarazteko “gaur bidezko merkataritzako kafea zerbitzatzen dugula”, bai eta informazioa ere, interesa duten pertsonek gai horretan sakondu ahal izan dezaten.

Kafe hau dastatzera animatzen direnek, gainera, urtebeterako kafe-sorta baten zozketan parte hartu ahal izango dute, baldin eta kafetegietan topatuko dituzten QR batzuk irakurri eta online galdetegi bati erantzuten badiote.

Nabarmentzekoa da parte hartzen duten establezimenduetako batzuek, hala nola Gizarte Etxeetako kafetegiek edota Root Gasteiz proiektuak eta Beganbai jatetxeak elkarbanatzen duten lokalak, urte osoan Bidezko Merkataritzako kafea eskaintzen dutela, kalitaterik onena eta ekoizleentzako baldintzarik onenak bermatzen dituen alternatiba. MapaZentzuz izeneko mapan, gure web orrialdean topatu dezakezuna bidezko merkataritzaren aldeko apustua egiten duten Gasteizko saltoki hauek eta beste batzuk topa daitezke.

Parte hartuko duten taberna eta kafetegiak:

Hemen azpian taberna parte-hartzaileen zerrenda ikusi dezakezu, auzoka:

Alde Zaharra – Zabalgunea:

• • Aldapa, San Bizente Aldapa 2.
  • Hala Bedi, Aiztogile 98.
  • Parral, San Frantzisko Xabierkoaren kantoia 4.
  • Txapelarri, Aiztogile 83.
  • Txistu, San Bizente Aldapa 1.
  • La Unión, Plaza Berria 4.

Zaramaga – Aranbizkarra – El Anglo:

• • Zaramagako BIZAN, Gasteizko Taldearen kalea.
  • Cafetería Atebi, Legutianoko Atea 17.
  • Compay Guitar Café, Nafarroako Erregeak 11.
  • El Copo, Mendoza 4.
  • Marvi, Isuntzatarren kalea 11.
  • Aranbizkarrako BIZAN, Sierras Alavesas 1.
  • San Prudentzioko BIZAN, Frantzia 35.
  • El Txoko, Legutianoko Atea 20.

Pilar:

• • Pilarreko BIZAN, Venezuela 9.
  • El Pilar Gizarte Etxea, Konstituzio Plaza 5.
  • Donde Pepe, Simón de Anda 11.

Koroatzea:

• • Abisinia, Kutxa 2.
  • Andagoya, Eulogio Serdán, 22.
  • BeganBai / Root Gasteiz, Badaya 17.
  • Koroatzeko BIZAN, Arriagako Atea 14.
  • Elizalde Taberna, Kutxa 3.
  • El Pino, Aldabe 26.
  • El Valle, Gorbea 32.
  • Jan Rock, Gasteiz Hiribidea 88.

Babesgabetuak – San Kristobal – Arana – Judimendi:

• • Herrandarren zentroko BIZAN, Herrandarrak 3.
  • Egoki, Pío XII 4.
  • San Kristobaleko BIZAN, Dultzaina 11.
  • Aranako BIZAN, Aragoi 1.
  • Judimendiko BIZAN, Cola y Goiti 7.

Txagorritxu – San Martín – Lovaina:

• • Txagorritxuko BIZAN, Mexiko 11.
  • Orient Express, José Miguel Barandiaran 2A.
  • San Martineko BIZAN, Aurelio Vera Fajardo margolaria 3-7.
  • Landazuriko BIZAN, Landazuri 17.

Ariznabarra:

• • Ariznabarrako BIZAN, Zaitegiko Gaztelua 1.
  • El Último, Ariznabarra 17.
  • Leniz, Gaztelako Atea 48.

Lakua-Arriaga – Abetxuku:

• • Lakua-Arriagako BIZAN, F. Xabier Landaburu 1.
  • Café Kursaal, Sierra de Aralar 3.
  • Ibaiondo GE, Landaberde 31.
  • Abetxukuko BIZAN, Kooperativa plaza 8.

Beste auzo batzuk:

• • Salburua GE, Bratislava Hiribidea 2.
  • Café-Taza, Brusela Hiribidea 11.
  • Sansomendiko BIZAN, Oto Hiribidea 22-24.
  • Zabalgana GE, Juan Gris 2.