Martxoaren 8a Emakumeon Nazioarteko Eguna da, eta greba egingo

dugu. Egun horretan, egunero egiten ditugun lan ordaindu zein

ordaindu gabeak egiteari utzi eta kaleak geureganatuko ditugu.

Etxeko zein Zaintza Langilea bazara, grebara batzera gonbidatu nahi

zaitugu.

Emakumeok egiten ditugun etxeko eta zaintza lanek bizitza

sostengatzen dute, baina gure bizitzak ezin sostengatu! Egiten ditugun

zaintzek eta lanek mundua sostengatzen dute baina ez dira aintzat

hartzen, ez sozialki, ezta ekonomikoki ere.

Etxeko eta Zaintza Langile gehienok emakume Migratuak gara eta ez

dauzkagu beste lanetan aitortutako lan eskubide berberak: ez daukagu

langabezia-prestaziorako eskubiderik, ez dugu gure benetako soldaten

arabera kotizatzen, gure pentsioen kalkuluan ez daukagu hutsen

estaldurarik, Etxeko Langile Egoiliarroi ez zaigu atsedenerako

eskubidea errespetatzen, ezta pribatutasunerako eta aparteko orduak

kobratzeko ere. Bazenekien pasa den urtetik kotizaziorako kuota

minimoa %25 hazi dela?

Greba Feministarekin bizitza erdigunean jarri nahi dugu egunero bizi

ditugun biolentzia mota guztien aurrean. Berdintasun eza,

prekarietatea, arrazakeria, erailtzen gaituen Atzerritarrei buruzko

Legea, kontsumo eredua, familia patriarkala eta  . Ez

dugu nahi zaintza eta etxeko lanak familiei edota emakume langileei

egokitzea, eskubideak bete daitezen eta instituzioek beraien

betebeharrak bete ditzaten nahi dugu! Babesten gaituzten lan-legeak

bete daitezen eta LANEren 189. Hitzarmena bete dadin eskatuko dugu

Martxoaren 8an.

BATU ZAITEZ GREBARA! Egun horretan zapi morea jantz dezakezu

zure amantala leihotik eseki dezakezu, egongo diren ekintza

desberdinen informazioa lortu eta atera gaitezen kalera denok

elkarrekin! Guztiok bat eginik erailtzen gaituen sistema kapitalista eta

heteropatriarkal hau eror dadin lortuko dugu! Martxoaren 8 honetan

LANGILE MIGRATU ETA ALIATUOK ELKARREKIN BORROKA

EGINGO DUGU!

Animatu eta etor zaitez martxoaren 2an 17:00etan Iparralde 2 Gizarte

Etxean burutuko dugun emakumeon topaketara.

EUSKAL HERRIKO MUGIMENDU FEMINISTA EUSKAL HERRIKO MUGIMENDU FEMINISTA