Tailer Agroekologikoa Apirilaren 9an Arabako Kanpusean

Zentzuz Kontsumituk Arabako Kanpusean, Hezkuntza eta Kirol Fakultateko atzealdeko lorategian, Apirilaren 9an ospatuko den Tailer Agrokologikora gonbidatzen zaitu. Tailer honetan hainbat ekintza burutuko dira. Esatebaterako:

• Kontsumobideri buruzko informazioa jaso, kontsumitzaile eta erabiltzaileen eskubideen defentsarako erakundea
• Ekimena ezagutu, eta nola bihurtu Sarreko plataformako kide, elikagaiak modu bateratuan merkaturatzeko ekoizle ekologikoen bilgunea
• Eusko Jaurlaritzaren Nekazaritzako elikagaien arloko NEIKER ikerketa-zentroak agroekologiari buruz dituen ikerketa-lerroak ezagutu
• BioAlai kontsumo ekologikoko elkarteak antolatuta, “Zer dakizu Agroekologiaz?” Quizz-ean parte hartu (12:00-13:00 bitartean)
• Babarrunek gure osasunean eta ingurumenean dituzten onurak ezagutu Fisioclima CO2 Ikerketa taldearen eskutik
• Zentzuz Kontsumitu postuan Bidezko Merkataritzako elikagaiak eskuratu eta haien gaineko zalantzak argitu
• Zalantzak argitu eta elikagaiak ekologikoak eta bertokoak eskuratu Bionekazaritza eta ENEEK postuetan
• Marmelada ekologikoak egin eta ekoizten dituen Beltzitina kooperatiba ezagutu
• Idiazabal gazta dastatzen ikasi LASEHUren eskutik (13:00-13:30 bitartean)
• Slow Food-ek egindako “Humusa” doan dastatu.